Dêrsim de rojnamegeran Meydanê Seyîd Rizayî de destbendkerdişê 20 rojnageran ê ke hewteyêk o nezaret de yê, şermezar kerd.

Pîya bi rojnamegeran Platformê Kede û Demokrasîyî yê Dêrsimî, Wekîlê HDPyî yê Alîcan Onlu, Hemserekê Pêroyî yê DBPyî Kesîn Bayindir û xeylêk kesî tewrê çalakîye bîyî.

Bi nameyê rojnamegeran eşkerayîye hetê Cîhan Berkî ra ameye wendene. Berkî vat: ''Rojnamegerê ke semedê heqê xebergirewtişî yê şarî gurîyenê raştê zextan yenê. Tradîsyonê çapemenîya azade tim raştê nê polîtîkayanê zext û çokdayîşî bêro zî ma do çirey memusê nê zextan. Ma veng danê heme rojamegeran ke wa wayîrê gureyê xo bivejîyê û paştî bidê rojnamegeranê ke nezaret de yê. Ma reyna semedê embazanê xo veng danê; rojnamegeran serbest veradê, rojnamegerîya sûc nîya.''

Eşkerayîye bi sloganan qedîyaye.