Dêrsim de bîn şewe çawişêkê pîsporî wesayîtê xo ra cinîyêka rayîr de şîyêne tacîz kerde. Naye ser der û dormeyî ra şarî vera çawişî nêrazîbîyayîş mojna. Çawiş wesayîtî ra ame war çeke darte hemwelatîyan û guleyî teqnayî. Guleyan ra yewî îsabetê linga embezê çawişî kerd. Walîtîya Dêrsimî da zanayene ke çawiş pîya bi hîrê embmazanê xo ameyo destbendkerdene.

Komeleya Paştîdayîşî ya Cinîyan a Yenigunî ya Dêrsimî vera hêrişê vera cinîyan eşkerayîye daye û vera zextanê dewlete hêrsê xo ard ziwan. Cinîyan ê Dêrsimî vat: ''Bajarê ma de wayêka ma gama ke peyerayîr de rayra şiyêne raştê tacîzê cinsî yena û dima çeke darîyena ci û gule teqeno. Na barbarîye ya. Wezîfedarê dewlete seba ke zanê ê se kenê wa bikerî tiway nîno sereyê înan wina rehet têgêrenê. Komeleya ma rê zaf muracatî benê. Bajarê ma de bitaybetî cinîyê ciwanî hetê wezîfedaranê dewlete ra raştê sey sîstematîkî yenê tacîzkerdene. Nê kesê ke qaçîko wezîfeyê înan pawitişê şarî yo pê hêzo ke destê ci de yo cinîyan tersnenê û tehdît kenê wa gerreyê înan mekerê. Waya ma ya ke hedîseya vizêrîne de mexdûr bîye, ma pê paştîya aye de yê. Bajarê ma de polîtîkaya şîdetî ya vera cinîyan est a ke bi hewayêkê sîstematîkî yena rayraberdene. Cinîyî tîya têna nîyê. Ma veng danê cinîyan ke wa vera zextan bibê yew.''