Temsîlkarîya Dêrsimî ya Sendîkaya Teqawutan (TUM-SEN) meydanê şaristanî de eşkerayîye daye çapemenîye û bale ante meseleyanê înan ser.

Eşkerayîye de pankarta bi nuşteyê 'Ma wazenê sey merdiman biciwîyê' ameye akerdene. Xeylêk teqawutî tewrê eşkerayîye bîyî. Endamê sendîka Yaşara Yamaçî eşkerayîye wende û da zanayene ke seba ke budçeya şarî dîyena şer û şirîkanê îqtîdarî ê vera benê xizan û krîzo ekonomîk qewimîyeno.

Yamaçî pare kerd ke wextê îqtîdarê AKPyî de sermayedarî hîna bîyê zengîne la kedkar û teqawutî zî mehkumê vêşanîye ameyî kerdene. Yamaçî vat: ''Ma nêeşkenê çimeyanê budçe û ameyeyê neteweyîyî ra bara xo bigêrê. Bi mîlyaran dolarî dîyenê şîrketanê şirîkan û weqfanê kanwazan. Budçe ra bara tewr pîle dîyena şer, şirîkan û sermayedaran. Ma zî vera benê xizanêr.''