Bi wesîleya rojbîyayîşê 73. yê Rayberê Şarê Kurdî Abdullah Ocalanî Dêrsim, Mêrdîn û Adana de aktîvîteyê cîya cîyayî ameyî kerdene.

Dêrsim de şaro ke Dola Munzurî de ame têhet rojbîyayîşê Abdullah Ocalanî fîraz kerd. Şayîya ke xeylêk kesî tewrê ci bîyî de sloganê“Bijî Serok Apo” bîyî berz. Şayîye de derheqê cuya û têkoşînê Abdullah Ocalanî de ame qiseykerdene û dima ra govende ameye girewtene.

Mêrdîn de zî hetê Rêxistina HDPyî ya Artuklu ra semedê rojbîyayîşê Abdullah Ocalanî leyî ameyî ronayene. Vervatoxa HDPyî Ebru Gunay zî tewrê aktîvîte bîye. Leyî bi çepikan ameyî ronayene û ame vetene leyê ke benê zergûn do bibê wesîleya haştîye.

Qezaya Seyhanî ya Adana de zî semedê fîrazkerdişê rojbîyayîşê Ocalanî leyî ameyî ronayene. Aktîvîte de sloganê sey "Rojbûna te pîroz be Serokê me" û  “Bijî Serok Apo”  ameyî eştene.