Seba ke derheqê Wekîla HDPyî ya Amedî Semra Guzel de di fezlekeyî ameyî amadekerdene Komîsyonê Têmîyankerdeyî derheqê wedaritişê destnêpanayîşê ci de qerar girewt. Qerar Heyetê Pêroyî yê Meclîsî de ame vînayene.

Hemserekê Pêroyî yê HDPyî Pervîne Buldan Mîthat Sancar zî tewrê Heyetê Pêroyî bîyî. Hemsereka Pêroyî ya DBPyî Salîha Aydenî zî Heyetê Pêroyî de cayê xo girewt. Serekwekîlê Grûba HDPyî Saruhan Oluçî hîrê saete pawitiş kerd. Badê pawitişî wekîlanê rayê xo şuxulnayî. 313 wekîlan wedaritişê destnêpanîyîşê Guzele qebul kerd, 52 wekîlan red kerd. Wekîlanê HDPyî qerar pê çapikan protesto kerd û Heyetê Pêroyî ra vejîyayî. Badê wedaritişê destnêpanayîşî dosya do Wezîrîya Edaletî rê bêro şawitene û dimba ra prosesê muhakemekerdişî bêro destpêkerdene.