Zîndanê Burhanîye yê Balikesîrî ra Alî Îhsan 4ê adara 2020î de Rayber Apoyî rê mektubêke şawitibî û bi bahaneya ‘asta rêxistine de mektube de tedeyîya agahîgirewtişî est a’ dest nîyabî mektube ser.

Mektube de derheqê serebûtanê Rojhelatê Mîyanênî, şayîyanê Newroze û babetanê dînîyan de ercnayîşî est bîyê.

Alî Îhsan Dostî dîyar kerd ke mektube de tedeyîyêka şikdare çin a. La Mehkemeya Înfazî ya Burhanîye û Mehkemeya Cezaya Girane ya Burhanîye îtîraz red kerd.

Mehkemeya Qanûnê Bingeyîyî muracat ercna û îfade kerd ke heyetê dîsîplînî û mehkeme derheqê babete de neheq ê û destsernayîşê mektube sey ‘’binpaykerdişê azadîya agahîgirewtişî’’ pênase kerd.