Roniştişê dewaya vera kiştoxê Denîze Poyraz Onur Gencerî ra verî verberê Zîndanê Şakranî yê Alîagayî de eşkerayîyêke ameye dayene. Keyeyê Denîze Poyraz, Wekîlê HDPyî Murat Çepnî, Serpîl Kemalbay, Şevîn Coşkun, Alî Kenanoglu û xeylêk kesî tewrê eşkerayîye bîyî.

Eşkerayîye de Murat Çepnîyî dîyar kerd ke ê do bi têkoşînî dewam bikerê û vat: ''Serekê mehkeme dewa şawite Şakranî û destûr nêda ke avûkatî zî cayê xo de ronişê, hêrişê keyeyê Poyrazî ame kerdene. Ganî pêro hêzê demokrasî wayîrê na dewa vejîyê. Denîze Poyraz rûmetê ma ya.''

Eşkerayîye ra dima avûkat û girse şîyî zereyê salone. Bi bira heyetê mehkeme destûr nêdîya ke avûkatî debikewê salone. Heyetî bire daye ke têna kesê ke tewrê dosya bîyê û avûkatê ke wekaletnameyê înan est ê debikewê salone.