Wan de dewijî Servet Turgut û Osman Şîban hetê leşkeran ra helîkopterî ra ameybî wareştene. Semedo ke xebera nê serebûtî kerdbî 9ê teşrîna verêne ya 2020î de muxabîranê Ajansê Mezopotamya (MA) Adnan Bîlen û Cemîl Ugurî rê, muxabîra Jinnewsî Şehrîbane Abî û rojnamegere Nazane Sala rê dewa amebî akerdene. Dima zî bi heman sebebî muxabîra MA Zeynepe Durgut rê dewa amebî akerdene. Roniştişo 3. yê dewa Mehkemeya Cezaya Girane ya Wanî de ame kerdene.

Rojnamegere Adnan Bîlen û avûkatê ci tewrê roniştişî bîyî la rojnamegerê bînî tewrê roniştişî nêbîyî. Bîlenê pawitişê xo yo verên dibare kerd û avûkatê ci beratê Bîlenî waşt. 

Heyetê mehkeme bire daye ke mesuldarîya îmza ya rojnamegeran wa bêra wedaritene qedexeyê tebervejîyayîşê vera rojnamegeran nêro wedaritene. Hacetê dîjîtalî yê rojnamegeran zî apey nêdîyayî înan.

Roniştiş taloqê 6ê çeleyê 2022î ame kerdene.