Nuştoxo kurd Musa Anter 20ê êlula 1992yî de Amed de amebi qetilkerdene. Dewaya qetilkerdişê Musa Anterî Dewaya qetilkerdişê Aytene Ozturk de amebî yewkerdene. Roniştişo verên ê dewa Mehkemeya Cezaya Girane ya Anqara de ame kerdene.

Lajê Musa Anterî Dîcle Anter, Wekîlê HDPyî Fatma Kurtulan, Kemal Pekoz, Wekîlê CHPyî Yildiray Kara, Hemserekê KESKî Mehmet Bozgeyîk, Hemserekê Pêroyî yê ÎHDyî Ozturk Turkdogan û temsîlkarê rêxistinanê sivîlî tewrê roniştişî bîyî.

Dîya zanayene ke derheqê verguman Hamît Yildirimî de kontrolo edlî nêameyo kerdene. Dîcle Anterî vat: ''Nê şertan de hînî vate nêmendo. 20ê êlule de dewa wextvîyartişî ra do bikewa. No sûcê merdimîye yo. Ma do warê mîyanneteweyî de têkoşînê xo rê dewam bikerê.''

Heyetê mehkeme na bire daye: ''Ganî reyna aqîbetê verguman Abdulkadîr Ayganî bêro persayene, pabeyê nuşteyê Wezîrîya Edaletî bêro vindertene, derheqê vergumanan de fermanê tepiştişî dewam bikero, seba tesbîtê adresê Celal Yertekînî nuşte reyna binusîyo, waştişê wedaritişê kontrolê edlîyî yê Hamît Yildirimî wa bêro redkerdene.''

Dewa taloqê 21ê êlule ame kerdene la 20ê êlule de wextê dewa do biqedo.