Qezaya Meramî ya Konya de 30ê temmuza 2021î de keyeyê Dedeogullariyî ra 7 kesî ameybî qetilkerdene. Kerdoxê qirkerdişî Mehmet Altun û keyeyê Keleş û Çalikî ra 9 kesî dewa de ameyêne muhakemerdene. 12ê teşrîna peyêne de dewaya hêrişî de bire dîyabî û Alî û Lutfu Keleş vera dîyabî.

Roniştişî ra ver qiseykerdişê Mehmet Altun û polîsan pêşkêşê mehkeme amebi kerdene ke tede polîsan paştdayîşê xo mojnayêne Altunî. Avûkatî wazenê dewaya hêrişê vera keyeyî û dewaya qirkerdişî wa bêrê yewkerdene.

Avûkat Mehdî Zana Akkayayî îfade kerd ke 12ê teşrîna peyêne de hêrişê keyeyî amebi kerdene û keyeyî ra 7 kesî birîndar bibî. Ma wazenê wa dewaya hêrişî û dewaya qirkerdişî bibê yew. Reyna ma waşt ke derheqê tay polîsan de tehqîqat bêro kerdene. Mehkeme cezayêka şenike û komîke daye versûcan. Ganî na dewa sûcê vera merdimîye û qirkerdişî ra bêra ercnayene. Ma qeydê qiseykerdişê mabênê polîsan û tetîkkeşî goşdarî kerdbi. Uca de bi zelalî kiştoxî vato ke seba ke kurd bîyê înan hêrişê keyeyê Dedeogullariyî kerdo. Hêriş û qirkerdişê vera Dedeogullariyî serebûtê nîjadperest ê. Coka ganî pawitişnameyê versûcan goreyê Qanûnê Ceza yê 76-77î bêrê kerdene. Waştişê ma yo tewr girîng no yo.''

Avûkat Akkayayî venga baro, dezgehanê komelê sivîlî da ke wa bêrê dewa teqîb bikerê.