Conflict Armament Research (CAR) derheqê çekanê ke  dewleta tirke vera Rojawanî şuxulnena de cipersayîş kerd û raporê xo eşkera kerd.

Goreyê raporî 17 fuzeyê ke mabênê êlula 2021 û hezîrana 2022yî de ameyî şuxulnayene parçeyê înan ameyî cipersayene.

Cigêrayaxona tespît kerd ke nê fuzeyî hetê şîrketê çekan ê Roketsanî yê  Tirkîya ra ameyî viraştene û bi droneyan ameyî şuxulnayene.

Rapor de ame vatene ke nê fuzeyan de parçeyê ke Yewîya Ewropa zî tede tebere welatî ra ameyî, est ê. CARî bitaybetî cîhazê ke semedê şuxulnayîşê ambulansan yenê rotene tede tesbît kerdî.  Bi vatişê bînî malzemeyê Amerîka, Yewîya Ewropa û Çînî ameyî şuxulnayene.

Cihazê ke semedê ambulansan şîrketê Kendrionî yê Hollanda ra roşîyayî şîrketê  FEMSANî yê tirkan, semedê fuzeyan ameyî şuxulnayene. Goreyê raporî gama ke Kendrionî eşnawit înan cîhazî warê leşkerî de şuxulnayî eleqaya bi şîrketê tirkan birnayo.

Rapor de yeno vatene ke Yewîya Ewropa 2011 ra nata vera Sûrîye ambargoyê çekan ano ca la Tirkîya çirey raştê zextê winayênî nêameya.