Komîsyonê Plan û Budçe yê Meclîsî de budçeya Wezaretê Karanê Zereyî ser o nîqaşî yenê kerdene. Budçeya wezaretî goreyê parî se ra 16 zêdîyaye û Wezîrê Karanê Zereyî Suleyman Soyluyî derheqê armancê înan ê serra 2021î de pêşnîyazêk kerd.

Soyluyî da zanayene ke goreyê doneyanê teşrîna peyêne yê serra 2020î 579 hezar û 446 xebatkarê asayîşê zereyî estê.Soyluyî eşkera kerd ke înan ra 313 hezar û 729 kesî pabesteyê asayîşî, 203 hezar û 19 kesî pabesteyê cendirmeyan, 7 hezar û 90 kesî zî pabesteyê asayîşê paravanî yê û 55 hezar û 609 kesî zî qoricî yê.

Soyluyî pare kerd ke ê armanc kenê ke hûmara qoricîyan bikerê 30 hezar.