Şubeyê Amedî yê Komeleya Heqanê Merdiman (ÎHD) seba Roja Heqanê Domanan a Dinya eşkerayîyêke daye. Hetkara Hemserekanê ÎHDyî yê Amedî Ezdî Silademîr eşkerayîye wende.

Silademîre nê agahîyî dayî: ''Mabênê 10 serran 2011-2021î de se ra 22ê ci kênayî 228 domanî hetê hêzanê dewlete ra ameyî kiştene. Nînan ra 30 domanî 0-5 serre bîyî. 64 domanî pê guleyanê hêzanê leşkerîyan, 62 domanî zî teqayîşanê bomba de kişîyayî.''

Merkezê Heqanê Domanan ê Baroyê Îzmîrî zî bînaya xo de eşkerayîyêke daye. Avûkate Bahare Batikan eşkerayîye wende û vat: ''Senî ke heta nika vera îstîsmar û binpaykerdişê heqanê domanan ma têkoşîn kerd nika ra pey zî do têkoşîn bikerê û dewayanê serê nê babetan teqîb bikerê.''