Şubeyê Îstanbulî yê Komeleyanê Elewîyan ê Demokratîkan (DAD) taxa Gazîyî de Salona Konferansî ya Cemxaneyê Gazîyî de bi wesîleya serrgêra îdamê Seyîd Riza û embazanê ci de panelêk serûber kerd. Hemvervatoxê HDKyî Cengîz Çîçek, Hemsereka DADî Kadrîye Dogan û nuştox Gultekîn Uçar zî tede xeylêk kesî tewrê panelî bîyî.

Panel de hêverî Hemserekê DADÎ yê Îstanbulî Kadrî Kiliçî pare kerd ke Abdullah Ocalan seba ke verê polîtîkaya înkar û îmha vejîyayo yeno tecrîdkerdene û vat: ''Îqtîdarî bi nê tecrîdî welat vurna cehenemî. Pêro komel binê tecrîdî de yo.''

Hemsereka Pêroyî ya DADî Kadrîye Dogan vist vîrî ke pêro tarîxê komara Tirkîya de Dêrsim de qirkerdişî qewimîyayê û vat: ''Qodanê komara Tirkîya de yewperestîye est a. Serdestî kenê ke vîrê komelî çin bikerê. Coka ganî ma pêro kerdişanê înan deşîfre bikerê. Dewlete key Terteleyê Dêrsimî de têrî bêra o çax bena demokratîke.'' 

Cengîz Çîçekî îfade kerd ke dewleta tirke xeta dewleta netewe de kerd ke kurdan û elewîyan asîmîle bikera û vat: ''Dewlete dînperestîye, tirkperestîye û cînsîyerperestîye ferz kena. Ganî ma vera nînan û ferasetê dewleta netewe têkoşîn bikerê. Terteleyê Dêrsimî û qetilkerdişê Seyîd Rizayî netîceyê nê ferasetî yê. No feraset ewro zî hêrişê Rojawanî keno.''

Panel bi pers û cewaban qedîya.