Ferzad Kemanger, Şîrîn Elemhûlî, Alî Heydaryan, Ferhad Wekîlî û Mehdî Îslamyan ê ke 9ê gulana 2010î de hetê dewleta Îranî ra ameybî dardekerdene, serrgêra 15ine ya îdamanê înan de yenê yadkerdene.

Panc şorişgêrî hema zî hişê şaran û cigêrayîşê azadîye de ciwîyenê.

Nê panc kesayetî tena tepişteyê sîyasîyî ney, xoverdayoxê rûmetênî bîyê ke înan seba haştîye, azadîye û têdûştîye xîret kerd. Mîrasê înan ewro mîyanê Şorişê Jin, Jiyan, Azadî de dewam keno.

Ferzad Kemanger şaristanê Kamyaranî yê Rojhelatê Kurdîstanî ra bi. Ey domananê kurdan rê nuştiş û wendişê bi kurdkî musnayêne û aktîvîstê heqanê merdiman bi. O 2006 de Tehran de tepişîya.

Şîrîne Elehmûlî sembolanê cinîyan ê kurdan ra yewe bîye. Aye wexto ke tepişîyabî bi farskî nêzanayêne coka bi hawayêkê edîlî nêameye muhakemekerdene. 

Alî Heydaryan û Ferhad Wekîlî zî serkêşanê têkoşînê haştîye yê şarê kurdî ra bîyî. 

Mehdî Îslamiyan kurd nêbi la seba şaran têkoşînê azadîye kerdêne.