Xeylê şaristananê Tirkîya û Vakurê Kurdîstanî de serkêşîya DBP û DEM Partî de kombîyayîşanê şarî de mesajê bi vîdeoyî yê Rayber Apoyî şarî rê ame qalkerdene û cewab dîya persanê şarî.

Dewanê Rewan û Gaza Topê yê qezaya Hezoyî yê êlihî û merkez û qezayanê Sêrtî de mesaj ame mojnayene û cewab dîya persanê şarî.

Qezayanê Xelfetî, Serêkanîyê, Xelîlîyê, Hîlwan, Pirsûs û merkezê Riha de kombîyayîşê şarî de ame vatene ke ganî hinî dewlete game bierza.

Qezayanê Şahînbey û Şehîtkamîlî yê Dîlokî de, qezaya Seyhanî ya Adana û qezaya Tarsusî ya Mersînî de bînayanê DEM Partî de kombîyayîş ame kerdene.

Qezaya Cizîre, Hezex û merkezê Şirnexî de bi beşdarîya TJA kombîyayîşî ameyî kerdene. Kombîyayîş de şarî zî pêşnîyazê xo ardî ziwan.

Merkezê Agirî de bi sloganê ‘’Bijî Serok Apo’’ şarî mesaj seyr kerd û hem kelecan hem zî qesawetê xo ardî ziwan.

Qezaya Geverî ya Colemêrgî de Wekîl Onur Duşunmezî kombîyayîş de agahîyî dayî şarî  û vat ke bi têkoşînî ê do biresê armancê xo.