Vengdayîşê Rayber Apoyî ser o Koma Haştîye û Komelê Demokratîkî ya ke gerîlayan ra yena pê ewro Silêmanî de bi merasîmêkî çekê xo îmha kerdî. Merasîmî saete 11.25 de dest pêkerd û 11.45 de qedîya.

Merasîmê îmhakerdişê çekan ê Koma Haştîye û Komelê Demokratîkî de Hemsereka Konseya Rayberdişî ya KCKyî Besê Xozat, Nedîm Seven, Têkoşîn Ozan, Tekîn Mûş û çend gerîlayan ca girewt.

Serkêşîya Besê Hozat û Nedîm Sevenî de 15ê înan cinî 15ê înan camêrdî 10 kesan ra komêke kewt warê merasîmî.

Merasîm de verî Besê Hozat qisey kerd. Besê Hozat vat: ''Ma seba ke cewab bidê vendayîşê Rayber Apoyî ameyî. Ma şervanê azadîye yê. Bi vengdayîşê Rayber Apoyî yê 27ê sibate, bi wesîleya qeraranê Kongreya 12. ya PKKyî na game erzenê.''

Besê Hozat badê qiseykerdişê kilmî eşkerayîya koma ya tirkî wende. Dima ra Nedim Seven zî eşkerayîye kurdkî wende.

Badê eşkerayîye Besê Hozat qisey kerd û vat: ''Seba ke nê pêro dewam bikerê gerek serûberkerdişê qanûnî bibê.'' Besê Hozat vat seba ke verê prosesî bêro akerdene înan çekî îmha kerdî.

Badê eşkerayîye û qiseykeridşan Besê Hozat û gerîlayanê bînan çeke û rextê xo veşnayî.

Dima ke merasîmê îmhakerdişê çekan ê Koma Haştîye û Komelê Demokratîkî qedîya heyetî warê merasîmî ra şîyî. Merasîm Şikefteyê Casenî de ame kerdene û xeylê heyetan merasîm seyr kerd.