Dezgehanê mîyanneteweyîyan semedê veradîyayîşê Turfentî veng da
54 dezgehanê çapemenîye û azadîya fikrî bi eşkerayîyêka hempare veng da ke rojnameger Nedîm Turfento le 2 hezar rojî yo tepişte yo wa bêro veradayene.
Muxabîrê Ajansê Xeberan ê Dîcle (DÎHA)yo ke pê KHKyan amebi qefilnayene Nedîm Turfent 2 hezar rojî yo Zîndanê Wanî de semedê xebatanê xo yê rojnamegerîye tepişîyeno.
54 dezgehanê çapemenîye û azadîya fikrî bi eşkerayîyêka hempare veng da ke rojnameger Nedîm Turfent wa bêro veradayene. Eşkerayîye de mektuba ke Turfentî zîndanî ra şawîtbî ameye parekerdene.
Sereka Komîteya Nuştoxan ê Tepişteyan a Penî Ma Thida îfade kerd ke bêedaletîya ke Turfent vîneno ganî cade biqedîya û Turfent bêro veradayene. Thida pare kerd ke ê sey PENî hetê pêro noştox û rojnamegeranê tepişteyan de yê.
Koordînatora Bernameyê Tirkîya yê Enstîtuyê Çapemenîye yê Mîyanneteweyî (IPI) ard ziwan ke îqtîdarî waşt Turfent bêveng bikero û vat: ''Ganî Mehkemeya Qanûnê Bingeyî muracatê Turfentî biercno.''
Koordînatorê Têkilîye û Projeyan ê Komeleya Xebatanê Huqûq û Medya (MLSA) Murat Kokî vat: ''Bêedaletîya vera Turfentî Tirkîya de vera pêro rojnamegeranê kurdan yena kerdene. Coka ma venga pêro dezgehan danê ke wa paştî bidê Turfentî.
Nê dezgehan morê xo da binê eşkerayîye:
"ARTICLE 19, Articolo 21, Association of European Journalists (AEJ), Cartoonists Rights Network International (CRNI), Committee to Protect Journalists (CPJ), Croatian PEN, Danish PEN, English PEN, European Centre for Press and Media Freedom (ECPMF), European Federation of Journalists (EFJ), French PEN, German PEN, Komeleya Mafê Mirovan (İHD), IFEX, Index on Censorship, Hewldana Dijî Sûcê Nêrînê, Irish PEN, Kurdish PEN, Montenegrin PEN Center, OBC Transeuropa (OBCT), PEN America, PEN Bangladesh, PEN Belgium, PEN Centre of Bosnia & Herzegovina, PEN Esperanto, PEN Estonia, PEN Georgia, PEN Iraq, PEN Latvia, PEN Malta, PEN Melbourne, PEN Moscow, PEN Netherlands, PEN Norway, PEN Portugal, PEN Québec, PEN Romania, PEN Suisse Romand, PEN Trieste, PEN Turkey, Perth PEN, CentreRussian PEN, San Miguel de Allende PEN, Slovene PEN, South East Europe Media Organisation (SEEMO), St Petersburg PEN, Swedish PEN, Pojeya Piştgiriya Dozên Mafên Mirovan ên Tirkiyeyê, Vietnamese Abroad PEN centre, Wales PEN Cymru."
