Amed de 8ê hazîrane de 20ê înan rojnamegerî 22 kesî ameyî destbendkerdene. Ajans û şîrketê produksîyonê ke rojnamegerî tede xebityayêne ê zî ameyî sereştene. Sereştişan de xeylêk kamera, komputer û malzemeyo dîjîtal ame destsernayene. Produksîyonê Fîlmî yê Pelî de cigêrayîş qedîya la produksîyonê Pîya û Arî de cigêrayîşî roja 15 de dewam kenê.

Polîsî di hewte yo bînaya çar kate ya wird şîrketanê produksîyonî û dormeyê ci binê ablûqa de tepişenê. Avûkatanê ke dozgerî dir pêvînayîş kerd ard ziwan ke înan rê sebebê cigêrayîşî û pawitişê polîsan nêameyo vatene. Serşetişê polîsan ê vera produksîyonê Pel, Pîya û Arî û buroyê Jinnewsî de xeylêk çekçuwel amebî destsernayene. 

16 rojnamegerî heweteyê cuwa ver ameyî tepiştene û şawîyayî Zîndanê Tîpê Dyî yê Amedî.