Dezgehê Ziwanî: Cuye û ekolojî bipawê û şerî vindarnê

Dezgehê Ziwanî şaristanê Essenî yê Almanya de bi nameyê 'Cuye û ekolojîye bipawê û şerî vindarnê' çalakîyêk kerde.

Dezgehê Ziwanî şarsitanê Essenî yê Almanya de bi tewrbîyayîşê 30 domanan û 60 kesan bi nameyê 'Cuye û ekeolojî bipawê şerî vindarnê' çalakîyêke kerde. Meclîsê Şarî û Meclîsê Cinîyan ê Essenî zî paştî da çalakîye.

Rayraşîyayîş de eşkerayîyêk ameye dayene û ame vatene: "Şeran de xozayê ma û domanê ma yenê kiştene. Seba ke welatê Ewropa çekan nêroşê Tirkîya, ganî keyeyê Ewropa vengê xo berz bikê."

Zaqnîngehê Cambridge ra Connor Hayesî zî paştî da rayraşîyayîşî û vat: "Sîstem vera komelî û xozayî şer keno. Coka ganî hemcuya azade ya Rojawanî seba mi biba sey mîsalêk. Seba ke ez domananê kurdan bieşka têkilî bika ez kurdkî musa."

Hacetê kayî yê xozayî yê ke seba domanan ameybî amadekerdene domanan rê ameyî vilakerdene. Keye û domanan bi deyîranê domanan û vengê erbaneyan reyde govend girewt.