Komeleya Rojnamegeran a Dîcle Firatî (DFG) raporê binpaykerdişê heqanê rojnamegeran ê menga hezîrane eşkera kerd. 

DFGyî raporê xo de ard ziwan ke her roje rojnamegerî hîna zêde maruzê teda û binpaykerdişê heqan manenê.  DFGyî da zanayene ke menga hezîrane de rojnamegerî raştê şîdet, destbendkerdiş, tepiştiş û cezayan ameyî.

DFGyî vat: ''Îdarekarê komeleya ma Hakki Boltanî rê pê bahaneya 'serekkomarî rê heqaret' ceza dîyaye.  Muxabîrê AFPyî Bulent Kiliço ke çalakîye teqîb kerdêne polîsan o erdî ra derg kerd û bênefes verda. Tirkîya de îqtîdar vera rojnamegeran keno hedef.  Têna rojnamegerî nê îqtîdar xîret keno ke komel bixeniqno. Rojnamegerê ke bîyê hedefê îqtîdarî nêeşkenê bi hawayêkê asayî bixebitê. Reyna na menge eşkera bi ke tay rojnamegeran mafya û çeteyan reyde têkilîye naye ro ke nê kesî binê fermananê înan de yê. Ma veng danê ke tedayanê vera rojnamegeran ra fek vera bidê, sansurê çapemenîye ra fek vera bidê.''

 Rapor de nê doneyî ameyî parekerdene:  

* 2 rojnamegerî ameyî destbendkerdene

* 2 rojnamegerî tepişîyayî

*8 rojnamegerî maruzê hêrişan mendî

* 2 rojnamegera rê ajanîye ameye ferzkerdene.

* 7 Rojnamegerî ameyî astengkerdene

* Derheqê 6 rojnamegeran de tehqîqat ame akerdene.

* 4 rojnamegeran rê dewa ameye akerdene.

* 3 rojnamegeran rê cezaya zîndanî ya 8 serran û 5 mengan dîyaye.

* 96 rojnamegerî yenê muhakemekerdene

* 21 xeberî, 2 ketepelê înternetî, 33 tedeyî ameyî astengkerdene 

* Rojnamegerêk karî ra ame vetene

 *68 rojnamegerî tepişte yê