Mabênê rayîrê Awbendê Tişrînî û bajarekê Sirînî de, vizêr saete 15.20 de hêrişê droneyê çekdarî yê dewleta tirke de kedkarê çapemenîya azade Nazim Daştan û Cîhane Bîlgîn şehîd bîyî.

Komeleya Rojnamegeran a Dîcle-Firatî (DFG) derheqê qetilkerdişê rojnamegeran Nazim Daştan û Cîhane Bîlgin de eşkerayîyêke daye.

DFGyî vat: ''Kedkarê çapemenîya azade Nazim Daştan û Cîhane Bîlgîn vizêr hetê dewleta tirke ra ameyî qetilkerdene. Ramitoxê wesayîtî zî hêriş de birîndar bi. Ma nê hêrişê terorî şermezar kenê. Ma do her ca de hesabê qirkerdişan bipersê. Nazim û Cîhane di rojnamegerê ercîyayeyî bîyê ke raşrtîya şerî resnayêne şarî. Ma do hertim bi hêzo ke înan ra girewto û bi israrê xo raştîyan bîyarê ziwanî.''