Komeleya Rojnamegeran a Dîcle-Firatî (DFG) raporê binpaykerdişanê heqanê rojnamegeran ê teşrîna verêne eşkera kerd.

Goreyê raporî Tirkîya û Vakurê Kurdîstanî de 62 rojnamegerî tepişte yê û teşrîna verêne de 3 rojnamegerî ameyî destbendkerdene û 6 rojnamegerî zî maruzê hêrişan mendî.

DFGyî da zanayene ke;

-8 rojnamegerî wextê teqîbê xeberan de ameyî astengkerdene.

-Derheqê 8 rojnamegeran de tehqîqat dîya destpêkerdene.

-Derheqê 4 rojnamegeran de dewa ameye akerdene, 3 rojnamegeran rê cezaya zîndanî ya 2 serran û 6 mengan û 2 rojan û cezaya pereyî ameye dayene.

-Muhakemekerdişê 58 rojnamegeran dewam keno.

-3 rojnameyê tepişteyî raştê binpaykerdişê heqan ameyî.

-Peydakerdişê 50 xeberan û 5 keyepelanê înternetî ameyî astengkerdene.