Zîndanê Sîncanî de Sîbele Balaç 100 rojî yo û Zîndanê Tekîrdagî de zî Gokhan Yildirim 95 rojî yo seba ke binpaykerdişê heqan biqedo û bi hawayêkê edlîyî bêrê muhakemekerdene rojeyê mergî de yê.

Rewşa tepişteyan vera bena giranêr. Tepişteyan waştişnameyêk da Wezîrîya Edaletî.

Sîbele Balaç wexto ke mamostatîye kerdêne mobingî ra 2018 de karê xo ra îstîfa kerdbi. Balaçe seba ke paştî daya 'Xoverdayîşê Yukselî' 2018 de bi îdîaya 'endamîya rêxistine' tepişîyabi û cezaya zîndanî ya 8 serran dîyabi ci. Balaçe 19ê kanûna 2019î de dest pê grevê vêşanîye kerdbi.

Gokhan Yildirimî rê zî 'endamîya rêxistine, zerardayîşê malan, birîndarkerdişî' ra cezaya zîndanî ya 46 serran dîyabî. Yildirim 21ê kanûna 2021î de dest pê grevê vêşanîye kerdbi û 25ê adare de zî dest pê rojeyê mergî kerdbi.