Şaban Yenero ke Zîndanê  Qefilnayeyî yê Tîpê Hyî yê Dîlokî de yeno tepiştene bi rayîrê keyeyê xo da zanayene ke ê pê mergî yenê tehdîtkerdene.

Yenerî telfendî keyeyê xo rê wina qala zextanê ke vera înan yenê kerdene kerd: ''Bi bahaneyê janî pêvînayîşê akerdeyî û aktîvîteyê sosyalî nînê kerdene û her roje binpaykerdişê heqanê zêdîyenê. Koguşan de binê nameyê cigêrayîşî de sereştişî yenê kerdene û ma tim yenê tehdîtkerdene. Bi zorî koguşanê ma bedilnenê û ke ma cêser bifînê. Seba ke mabênê koguşanê made tepişteyê cematî û DAÎŞî ca kerdî cuya ma binê tehluke de ya. Seba ke ma no qebul nêkerd ma raştê şîdetî yenê û pê mergî yenê tehdîtkerdene. Eke çîyêko xirab bibo berpirsîyarê ci îdareyê zîndanî yo. Xora tengayîya tewr pîle zî tepişteyê nêweşî ancenê. Rewşa înan xirabêr bena. Ganî tepişteyê nêweşî bêrê tehlîyekerdene.''