Dîlok, Edene û Colemêrgî de qirkerdişê sîyasî

Îqtîdarê AKP-MHPyî kerdişanê xo yê sîyasîyan dewam keno. Dîlokî de 6 kesî ameyî tepiştene. Edene de polîsanê tirkan eştî keyeyan ser û Colemêrgî de zî avûkatêk ame cezakerdene.

Dîlok

Dîlokî de 57 kesanê destbendan ra 10 kesî vejîyayî edlîye. Îfadeyan ra dima sewqê mehkeme ameyî kerdene. Netîce de Hemserekê HDPyî yê Qezaya Şahînbeyî Mehmet Ozkan, îdarekarê rêxistina DBPyî yê Dîlokî Nafî Demîr, Hemsereka Verêne ya HDPyî ya Dîlokî Gulere Erat, Hemsereka Verêne ya HDPyî ya Qezaya Şehîtkamîlî Bîrcane Demîr û Desabdarê HDPyî yê Rêxistina Dîlokî Kasim Şan û Besîbe Çinar ameyî tepiştene.

Edene

Edene de polîsan eşt keyeyanê Berpirsîyara Weşanê Pêroyî yê Radyoyê Dinya Medîne Gumuş ser. Gumuşe seba ke teberê welatî de bî nêameye tepiştene.

Colemêrg

Harîka Guany Karataş a ke Qezaya Geverê Colemêrgî de avûkatîye kena seba vilakerdişê hesabê medayaya komelkî ser o bi îdîaya ''prppagandaya rêxistine'' ameyêne hukmkerdene. Mehkema Colemêrgî 3 serr û mengêke û 15 roje ceza daye Karataşî. Vilakerdişanê Karataşî yê 7 serran dosya de ca girewt û sey suc ameyî hesibnayene.

Karataşe derheqê ceza de nêrazîbîyayîşê xo mojna û vat sîyaseto demokratîk rexneyanê azadan ra derbaz beno. Karataşe vat ke a do na ceza qebul nêkera.