Gerîla TVyî dîmenê kilmî yê operasyonê şirşgêrî yo ke 20ê sibate de Kurojaro de hetê hêzanê gerîlayan ra ame kerdene weşanayî.

Gerîlaya TVyî ke dîmenê nizdê deqayêke pare kerdî, vat ê do derheqê operasyonî de dîmenanê dergan û bidetayan dima ra pare bikerê.

Dîmenan de yeno vînayene ke gerîlayî şertanê zehmetan ê zimistanî de şinê çalakîye û helê çalakîye yenê vînayene.

HPGyî derheqê çalakîye de nê pare kerdbî:

''Warê Xoverdayîşî yê Kurojaroyî yê Zapî de hîrê hetan ra operasyono şorişgêr ame kerdene. Hêzê ma bi hewayêkê serkewteyî heta mewzîyanê dişmenî şîyî.  Mewzîyê îşxalkeran senî ke vîre virseno wina bi hawayêkê lezabez û bitesîrî ameyî pirodayene. Tay îşxalkeran mewzîyê xo caverdayî û remayî. Îşxalkeranê ke cewab da ameyî pirodayene û cezakerdene. Hêzanê ma  wextê kilmî sey 20 deqayan de qilo ke îşxalkerî tede bî fîna dest. Heme mewzî û çadirê  îşxlakeran mesafeyê nizdî ra bi bombayanê destî û çekanê ferdî û nêm otomatîkan ameyî pirodayene û îmhakerdene.  Cepxaneyê qilî, kamerayêka mobese ameyî îmhakerdene û sîstemê teleferîkî ame texrîbkerdene. Reyna 5 çadirî zî ameyî vêşnayene. Çadiranê bînan de çeke û malzemeyo leşkerî ameyî destsernayene. Hêzê ma tîya şîyî cenazayanê 10 îşxalkeran ser. Artêşa tirke seba ke nê xezîmetê xo binimno têna mergê leşkerê bipereyî Mustafa Usluyî eşkera kerd. La nê operasyonê şorişgêrî de fermandaro payeberz zî tede 10 îşxalkerî ameyî cezakerdene. Îşxalkerê ke ameyî cezakerdene înan ra nameyê çend kesan wina yê: İlhan Koksoy, Huseyin Ozdal û Eyup Oksuz. Reyna xeylê çeke û malzemeyo leşkerî ame destsernayene û îmhakerdene.''