Fermandarîya Qerargehê Merkezê Pawitişê Şarî  gerîlayanê ke  20ê sibate de Warê Xoverdayîşî yê Kurojaroyî de hîrê hetan ra çalakîye kerde, pîroz kerdî.

Eşkerayîye de nê ameyî parekerdene:

''Hemrayê erjîyayeyî!

Ma hêver hemrayanê xo yê erjîyayeyan ke Warê Xoverdayîşî yê Kurojaroyî yê de bi ruhê Apoyî fedayîyî û cesaretê girdî tewrê Operasyonê Şorişgêrî bîyî, bi hîsanê xo yê tewr zerrî ra selam kenê.

Ma heme şervan û fermandaran ke keda ci na çalakîya serkewtî de est a, pîroz kenê. Belgeyê ke şima wextê operasyonî de fînayî dest hêna heqîqatê şerê koyanê Kurdîstanî fîna çiman ver. Hêna vejîya werte ke Wezîrîya Pawitişî ya Tirkîya ke hetêkî ra semedê şerî israr kena û hetê bînî ra şarî ra netîceyanê şerî nimnena, eşkera zûre kena. Rixmo ke çeke, malzeme û nasnameyê leşkeranê ci ameyî destfînayene, eşkerayîyêke nêdaye. Eke dîmenê çeke, malzeme û belgeyanê ke serê cenazayan ra ameyî wedaritene bêrê parekerdene do heqîqatê şerî hetê her kesî ra bêro vînayene.

Hemrayê erjîyayeyî; ma semedê performansê şimayê serkewteyî bi nameyê qerargehê merkezî şima hêna pîroz kenê. Rayraşîyayîşê şima yê xeta Rayberîye û Şehîdan de şima ra serekewtişanê dahîna girdan pawenê  û şima rê serkewtiş wazenê.''