Endamê Heyetê Îmraliyî û Serekwekîlê Meclîsî Sirri Sureyya Onder şewe krîzê qelbî vîyartbi û wedariyabi Nêweşxaneyê Florence Nightingale yê Şîşlî.

Onder tîya de gêrîya binê amelîyatî û amelîyat 12 saetan ra dima qedîya. Onder wedarîya servîsê ciewnîyayîşê giranî.

Doktoranê Onderî saete 12.00 de eşkerayîyêke daye. Doktoranê Sirri Sureyya Onderî eşkera kerd ke weşîye Onderî ser o rîsko heyatî dewam keno.

Serdoktorê nêweşxaneyî Çavlan Çîftçîyî îfade kerd ke Onder operasyonêkê cerahî yê pîlî ra derbaz bîyo û hema hetê raştî yê qelbê ci de meseleyî dewam kenê.

Çîftçîyî vat ke amelîyat 12 saetan dewam kerdo û hema zî hişê Onderî nêameyo cayê xo.

Prof. Dr. Ertan Sagbaşî zî pare kerd ke Onder de dîseksîyonê aortî virazîyayo coka rewşa ci bîya giranêr.