Meclîsê Wendekaranê Demokratîkan (DOM) Meydanê Avcilarî yê Îstanbulî de rewşa tepişteyanê nêweşan ser o eşkerayîyêke daye.

Eşkerayîye de pankarta ''Zîndanan de qirkerdiş est o, tepişteyanê nêweşan rê azadîye'' ameye akerdene û vera sloganê sey ''Tepişteyanê nêweşan rê azadîye'', ''Biciwîyo xoverdayîşê zîndanan'' ameyî berzkerdene.

Ciwanan eşkerayîya xo de vat ke polîtîkayê AKP-MHPyî rûmetê merdiman binpay kenê û vat: ''Her roje zîndanî ra cenazayî vejîyenê. Vera tepişteyan qanûnê dişmenî yeno caardene.  Tecrîd vera pêro komelî yeno caardene. Garîbe Gezer, Halîl Guneş, Abdulrezzak Şûyûr û Salih Togrûlî zîndan de dinyaya xo bedilnaye. Tepişteyê nêweşî terkê mergî benê. Ma venga her kesî danê ke vera şîdet, teda, îşkence û kerdişanê xiraban ê zîndanî vengê xo vejo, bibo vengê tepişteyan.''