Serekê Komeleya Sarmaşikî Mehmet Şerîf Çamçiyî bi îdîaya 'endamîya rêxistine' çarçewa tehqîqatê Kongreya Komelê Demokratîkî (KCD) de yeno muhakemekerdene ke Komeleya Sarmaşikî pê KHKyan amebî qefilnayene.

Roniştişê dewaya Çamçiyî Mehkemeya Cezaya Girane ya Amedî de ame kerdene.Têna avûkatê Çamçiyî Mesût Beştaş û Mehmet Oner tewrê roniştişî bîyî.

Dozgerî îdîaname de îdîa kerd ke Çamçi pê armancê xebatanê rêxistinîye beşdarê xebatanê KCDyî bîyo û tewrê kombîyayîş û çalakîyan bîyo.

Dozgerîya dewleta tirke waşt ke Serekê Komeleya Sarmaşikî Mehmet Şerîf Çamçiyî rê cezaya zîndanî ya 15 serran bêra dayene.

Roniştiş semedo ke avûkatî pawitişanê xo amade bikerê taloqê 16ê teşrîna peyêne ame kerdene.