Şaredarê Şaristanê Pîlî yê Îstanbulî Ekrem Îmamoglu, Şaredarê qezaya Şîşlî Resul Emre Şahan, Mahîr Polat, Mehmet Alî Çalişkan bi waştişê tepişîyayîşî erşawîyayî mehkeme. Qedexeyê çalakîyanê heta 27ê aşme ame dergkerdene.
Çarçewa tehqîqatê bi îdîayanê ‘teror’ û ‘bêusûlîye’ de Şaredarê Îstanbulî Ekrem Îmamogluyî û 91 kesan vizêr dozgerîye de îfade kerd.
Şaredarê Şaristanê Pîlî yê Îstanbulî Ekrem Îmamoglu, Şaredarê qezaya Şîşlî Resul Emre Şahan, Hetkarê Sekreterê Şaredarê Îstanbulî Mahîr Polat û Dîrektorê Enstîtuyê Reformî Mehmet Alî Çalişkan çarçewa tehqîqatê ‘Pêkerdişê Şaristanî’ de bi waştişê tepişîyayîşî erşawîyayî Mehkemeya Ceza ya Sulhî.
Dozgerîye waşt ke Îmamoglu sûcanê ‘Awankerdişê rêxistina sûcî’, ‘fesadîya îhale’, ‘Bêusûlîye’ û ‘hetkarîya rêxistina terorî’ ra bitepişîyo.
Hetê bînî ra Îstanbul de qedexeyê çalakîkerdişî heta 27ê adare ame dergkerdene.
Protestoyanê vera operasyonê serê Îmamogluyî de heta nika 323 çalakîkerî ameyî destbendkerdene.
