Dr. Bengî Haco ke roja Îneyî cuya xo vînî kerde bajarê Vasterasî yê Swêdî de bi merasîmêk ame definkerdene. Kurdistan, Tirkîya û Ewropa ra xeylî dostê Hacoyî tewrê merasîmî bîyî.

Ahmet Karmûşo ke merasîmî de bi nameyê KNK’yî qisey kerd dejê xo ard ziwan, keye û dostanê ci rê serweşîye waşte û va:’’ Vefatê Hacoyî seba Kurdan vînîkerdişo zaf gird o. Rixmê nêweşîya xo her tim semedê  yewbîyayîşê şarê Kurdî xebitya. Gama ke Rojawan de doktorê kerdêne nêçarî bêdezmijî tedawî kerdêne. Ma do mucaleyê ey yo ke nêmcet verdayo bidê domnayene û waştişê ey bica bîyarê.’’