Avûkatanê Baroyê Êlihî ra Orhan Alphano ke vera îşkenceyê serê tepişteyêkî vejîyayo, Edlîyeya Riha de raştê hêrişê polîsan ame.

Goreyê agahîyanê ke ameyê dayene avûkat Alphan waşt korîdorê edlîye de mudaxeleyê hêrişê polîsan bikero la o çax polîsan hêrişê ci kerd. Rîyê Alphanî hêrişî ra birîndar bi. Alphanî nêweşxaneyî ra raporê derbe girewt û edlîye de gerreyê polîsan kerd.

Baroyê Êlihî zî bi eşkerayîyêke vera hêrişî nêrazîbîyayîşê xo mojna. Eşkerayîye de Serekê Baroyê Êlihî Erkan Şensesî qisey kerd û vat: ''Wa nê polîsî bêrê tepiştene. Eke avûkatêk raştê nê hêrişî yeno destbendkerdeyê bînî raştê hêrişê senînî yenê?''

Eşkerayîye ra dima avûkatan pê çepikan hêriş protesto kerd. Eşkerayîye ra dima Heyetê Îdareyî yê Baroyî şi zîyaretê Alphanî.