Endamê Komîteya Rayberdişî ya HBDHyî Tekîn Yoldaş û Endama Konseya Pêroyî ya HBDHyî Hêvî Sarya Medya Haber de cewab da persanê Delale Devrîm û tay ercnayîşî kerdî.

Hêvî Sarya qala girîngîya HBDHyî kerde û vat: ''Seba destkewteyanê şorişî ganî Tirkîya de têkoşîno şorişgêr ê kedkar û karkeran bêro xurtkerdene. Ganî Vakurê Kurdîstanî û Tirkîya de şoriş karakterê yewbîyayeyî ser de dewam bikero. Proleteryaya tirkan eke neteweyan kurdan reyde têkoşîn bikera Tirkîya de şoriş qewimîyeno. Ganî têgêrayîşê kedkar û karkeran ê Tirkîya astêşa polîtîke eşkera bikerê. Ganî nê têkoşînê azadîya Kurdîstanî reyde îtîfaqêkê xurtî bikerê.''

Tekîn Yoldaşî vat: ''Serra 2022yî de HBDH keweno serra 6. û ronîyayîşê HBDHyî ra nata rejîmo faşîst ê AKP-MHPyî qels bîyo. Hînî no îqtîdar bi zulm û şîdetî estbîyayîşê xo dewam keno. Coka ganî kedkar, karker, bindest û kurdî pîya vera nê îqtîdarî têkoşîn bikerê. Çalakîyê ma hedef kenê ke dişmenî ra hesab bipersê. Gerîla û milîsê ma hesabê qirkerdiş, îşkence û sûcanê vera şarî persenê. Serra 2022yî de ma do çalakîyanê xo bizêdînê.''

Peynîya roportajî de Hêvî Sarya bale ante xoverdayîşê gerîlayan ê Zap, Metîna û Avaşînî ser û vat: ''Eke nê xoverdayîşî ra nêbîyêne Newroze hende xurt nêameyê fîrazkerdene.''