Serekê Komeleya Kulturî ya Pîr Sultan Abdalî ya qezaya Orenî ya Meletî Mazlûm Kose vizêr sereştişê keyeyan de amebi destbendkerdene. Dîya zanayene ke sebebê destbendkerdişê Koseyî vilakerdişê ey ê medyaya dîjîtale yê û Koseyî reyde 3 kesê bînî ameyî destbendkerdene.

Elewîyan medyaya dîjîtale ser o bi hawayêkê xurtî vera nê destbendkerdişî nêrazîbîyayîşê xo mojna. Serekanê bînan ê PSAKDyî îfade kerd ganî Kose cade bêro veradayene. Elewîyan eşkera kerd ke ê do vera tedaya winasêne qet sereyê xo nêare war. Ame vatene ke nê operasyonê destbendkerdişî seba ke elewîyî bêrê hîşkerdene yenê kerdene la elewîyî do çirey çok nêdê.