Dîrektor Elî Bedîrxan ê kesan ra yo ke bingeyê sînemaya Misirî naro. Elî Bedîrxan yewîya kurda, meseleyanê kurdan ser o qisey kerd.

Elî Bedîrxano ke keyeyê Bedîrxanî ra yo, derheqê xo de wina vat: ''Ez aslê xo de kurdanê Cizîra Botanî ra ya. Kurdan zaf zulm dîyê. Xeylêk sebebê ci estê ke dewaya kurdan resaye netîceyêke. Tay sebebê naye teber ê, tay la sebebo verê parçebîyayîşê kurdan o. Armancê ma yew o, heqê kurdan o. Dewaya ma ferz kena ke ma bibê yew û ma neçar ê ke naye bikerê. Ganî partî, rêxistin û hêzê kurdî bibê yew û heqanê xo bivisnê destî. Ganî nê hêzî mabênê xo de alozîyan war verdê û giranîye bidê meseleya azadîye ser. ''

Bedirxanî bale ante tecrîdê vera Rayberê Şarê Kurdî Abdullah Ocalanî ser û vat: ''Birêz Ocalan terorîst nîyo, vera şarê xo sûcêk nêkerdo. Ey seba şarê xo têkoşîn kerdêne. Sena yewî û azadîya kurd û Kurdîstanî ganî Ocalan bêro azadkerdene.  Ez venga dezgehanê mîyanneteweyîyan dana ke cade seba azadîya Rayber Apoyî têbigêrê.''