Qezaya Pirsûsî ya Riha de 14ê hezîrana 2018î de merdim û pawitoxanê Wekîlê AKPyî Îbrahîm Halîl Yildizî hêrişê keyeyê Şenyaşarî kerd û keyeyî ra babî Haci Esvet û di domanî qetil kerdî, Ferît Şenyaşar zî birîndar kerd.

Emîne Şenyaşar û Ferît Şenyaşar qasê 600 rojî yo verê Edlîyeya Riha de bi waştişê edaletî nobete gênê.

Emîne Şenyaşar derheqê têkoşînê xo yê edaletî de ANFyî rê qisey kerd.

Emîne Şenyaşar vat: ''Domanê mi kiştî, ma kiştî, hîrê şêrê mi kiştî. Lajêkê min o bîn bi serran de hucreyêkê zîndanî de yo. Mi nêwaşt nê zulmî qebul bikera û keye de ronişa. Ez coka ameya verê edlîye. Mi dejê xo kerd xoverdayîş. Ez wazena wa lajê mi vera bidîyo û edalet bêro caardene. Na dewa têna yê ma nîya yê welatî ya. Înan nêweşxane de qirkerdiş kerd. Kedkaranê weşîye nê serebûtî ra dima îstîfa kerd û derheqê serebûtî de îfade da. La îfadeyî nika werte de nîyê. Ê se kenê wa bikerê raştîyan werte de nîyê.

Nê dejî ra ez bîya nêweş la heta ke bimira ez do têkoşînê xo rê dewam bikera. Na dewlete ma ra tatî kerdî binê erdî, tayê ma eştî zîndanî. Ez bi nê dejî senî keye de ronişa. Ez do qetî vera nê zulmî sereyê xo nêara war. Ez edaletî wazena. Wa lajê mi vera bidîyo. Di lajê mi cara kişîyayî. Heta ke lajê mi Fadil vera bidîyo ez nobete de ya û key vera bidîyo ez abigêra keye.''