Qezaya Pirsûsî ya Riha de 14ê hezîrana 2018î de merdim û pawitoxanê wekîlê AKPyî yê ê çaxî Halîl Îbrahîm Yildizî keyeyê Şenyaşaran ra hîrê kesî qetil kerdbî. 

Emîne Şenyaşara ke mêrde û di lajê ci serebût de ameybî qetilkerdene ancî vera aye bi îdîaya 'Erdoganî rê heqaret kerdo' dewa ameye akerdene.

Serdozgerîya Komare ya Riha derheqê dewaya vera dayîke Emîne de îdîanameyê xo amade kerd.Îdîaname de yeno waştene ke wa ceza bêra dayene Emîne Şenyaşar. 

Roniştişo verên 31ê teşrîna verêne ya 2024î de do bêro kerdene.