Endama Meclîsê Ciwanan ê HDPyî Ezgî Orak taxa Cebecî ya qezaya Çankaya ya Anqara de vizêr saete 17:00 de hetê tay kesan ra ke xo sey polîsî da şinasnayene ameye remnayene.

3 camêrdan û yew cinîye bi îdîaya ke ê polîsê sivîlî yê verî ke nasnameyê xo bimojnê, nasnameyê Orake dekerd testê GBTyî. Înan îdîa kerd ke derheqê Ezgî Orak de bira tepişîyayîşî bimojna û pê zorî a nişnaye zereyê wesayîtî.

Embazê Ezgî yê ke vera serebûtî nêrazîbîyayîşê xo mojna ameyî derbkerdene. Ame parekerdene ke Ezgî Orak hetê wesayîtê bi plakaya '06 DB3154’ ameye remnayene.

Avûkatî Şubeyê Temî yê Anqara de gêra Ezgî la înan rê ame vatene ke Ezgî uca de nîya.

Ezgî Orak verî zî bi bahaneya ke derheqê ci de îxbar esto, 27ê teşrîna peyêne ya 2020î de amebî destbendkerdene.

Destbendkerdişî rê dima polîsan Orake rê ajanîye ferz kerdbî û Orake derheqê babete de 18ê çeleyê 2021î de muracatê ÎHDyî kerdbi.