Nobeta Azadîye  ya ke semedê azadîya fîzîkîye ya Rayberê Şarê Kurdî Abdullah Ocalanî  25ê hezîrana 2012yî de bajarê Strasbourgî yê Fransa de dîyaye destpêkerdene hewteyê 550. de dewam kena.

Nobete no hewte hetê endamanê Civaka Îslamiya Kurdistanê (CİK) Mala Salih Torî, Mala Qasim Serhedî, Mala Mehmet û Erkan Yurtseverî ra ameye dewrgirewtene.

Mala Qasim Serhedîyî ke bi nameyê grûbe qisey kerd, temenî û waştişê xo yê serra newî wîna ardî ziwan: ''Ma serra 2023yî de  semedê azadîya Rayberê Şarê Kurdî cehd bikerê. Ma serra ke xo dima verdaye, pê dejî ravêrnaye. Peynîya serre de Paris de hîrê embazê ma Hevala Evîne, Hevalê Abdurrahman ve Hevalê Perwer ameyî qetilkerdene. Keda hîrêhemin zî têkoşînê kurdan de bibî.

Serra 2023yî de hêvî kena ke, semedê azadkerdişê Rayberîye û şarê xo ma rêxistinbîyayîşê xo xurtêr bikerê ke wa dişmenê kurdan hinda meeşkê kurdan qetil bikerê. Ma hêvî kenê ke kurdî bibê yew û hêzê xo xurtêr bikerê. Ma wazenê ke heme kurdî bibê hîşyar wayîrê ercanê xo vejîyê. Heta ke Serek Apo azad mebo ne ma ne zî Kurdîstan eşkeno bibo azad. Azadîya kurdan û Kurdîstanî pabesteya azadîya Serek Apoyî ya. Bijî Serok Apo!''