Paytextê Almanya Berlin de endamanê Înîsîyatîfê Kurdîstanî Bipawê (Defend Kurdistan) panelêk de qala rewşa Başûrê Kurdîstanî kerde. Panel hetê Frei Kurdische Gemeinde Berlin û Ceni e. V (Buroyê Haştîye ya Cinîya Kurde) ra ame serûberkerdene.

Endamanê Heyetê Haştîye Jana Forsler û Thoman Sonkarayî behsê zîyaretanê xo yê Başûrî kerd. Înan da zanayene ke Başûr de maruzê tedaya PDKyî mendî. Sonkara û Forslere nêzdîbîyayîşê PDKyî rexne kerdî û pare kerd ke înan Başûr de xeylêk rêxistin û kesayetan reyde pêvînayîşî kerdî. Endaman îfade kerd ke ê Başûrê Kurdîstanî de hetê PDK û MÎTî ra ameyî astengkerdene û MÎTî tim ê teqîb kerdêne.

Huqûqnasê armenîyî Gevoukienî zî panel de qisey kerd û eşkera kerd ke armancê AKP-MHPyî gandarkerdişê xeyalanê Osmanîyan o û dewleta tirke ha pabeya qedîyayîşê Peymana Lozanî ya. 

Panel pê beşê pers û cewaban qedîya.