Ciwananê Enternasyonalîstan ê Rojawanî hem bi beyanatêk hem zî bi mesajêk venga pawitişê şorişê Rojawanî da. Beyanat de rayîrşîyayîşo ke vera îşxalê Dewleta Tirkî 2ê teşrîna peyêne de pêro dinya de ame kerdene, ame vîrvistene.

Beyanat wina yo: "Xoverdayîş, sey şorişa ma zî dewam keno û ewro her wextî ra zêdêr ma hewceyê hetkarîye û paştdayîşî yê. Wexto ke merdim vera pederşahî, netew-dewletî û kaptîlazmî şorişêk bikero, xora qet nêeşkeno hêvîya dewletanê bînan de bimano ke paşt bidê to. Yeno vatene ke koyan ra ber embazêkê Kurdan çin o, la 2ê teşrîna peyêne de ma dî ke no rast nîyo. Yewbîngirewtişo mîyanneteweyî yo ke tesîrê ci sey embazanê enternasyonalîstanê Rojawanî ma ser o zaf o  û hêz dano ma ke ma cepheyê şorişî de xo ver bidê. Ewro têkoşînê ma Rojawan de yo la beno ke siba cayêkê bînî de bibo. Bi pawitişê Rojawanî ma têna şar û şorişî nêpawenê, la ma hêvîya mumkunbîyayîşê dinyayêka bîne pawenê. Demokrasî ala ma yo, la demokrasîyê parlamentoyî ney. Ma alaya komînî, demokrasîyê meclîsanê şaran ê herêmîye berz kenê. Naye ra ma venga pawitişê şorişî danê ke nê vayî bivurnê çimeyê modenîteya demokratîke yê dinya