Enternasyonalîstanê Averwazan Qirkerdişê Parisî yê 23yê Kanûne bi eşkerayîyêke şermezar kerd û paştî daye şarê kurdî.

Eşkerayîye de Qirkerdişê Parisî yê 9ê Çeleyê 2013î zî ame vîrvistene ke tede 3 cinîyê şorişgêrî ameybî qirkerdene. Eşkerayîye de wina ame vatene: ''Wexto ke merdim nê qirkerdişan ser o vindero vîneno ke hêrişê terorî yê 23yê kanûne vera muxalefetê kurdan ame kerdene, vera kurdan şero fîzîkî û psîkolojîk o.''

Eşkerayîye de dîya zanayene ke hêriş wextê hêrişanê dewleta tirke yê vera Rojawanî de ameyo kerdene û wina ame vatene: ''Seba ke armancê nê qirkerdişî û şebekeya peyê ci bêrê eşkerakerdene, seba ke mesuldarê nê sûcanê gemarinan bêrê zanayene û Qetilkerdişê 9ê Çeleyê 2013î zî bêro roşnîkerdene ma wazenê ke tehqîqatêko hîra û bitesîr bêro kerdene.''

Eşkerayîye de ame parekerdene ke Enternasyonalîstê Averwazî tim paştî danê kurdan.