Bajarê Strasbourgî yê Fransa de semedê azadîya Rayberê Şarê Kurdî Abdullah Ocalanî des serrî yo Nobeta Azadîye yena tepiştene.

Çalakîya ke warê nêzdî yê dezgehanê sey Konseya Ewropa, Parlementoyê Ewropa, Komîteya Vergirewtişê Îşkenceyî û Mehkemeya Heqanê Merdimanê Ewropa de yena kerdene  hewteyê 523. de hetê enternasyonalîstan ra yena domnayene.

Çalakwanan ra Matthias Camilleyo Parisî ra tewrê çalakîye beno vat: ''Ganî Tirkîya rê zextê mîyanneteweyî bêro kerdene ke Abdullah Ocalan zî sey Nelson Mandelayî bêro veradayene.''

Naomi Guihardî zî  bale ante muhîmîya paştdayîşê şaran ser û vat a  paştî dana înanê ke semedê azadîya Abdullah Ocalanî şer kenê û coka tewrê çalakîye bîya.