Wekîlê HDPyî yê Çewlîgî Erdal Aydemîrî  bêkarî û xizanîye Çewlîgî kiriştbî rojdemê meclîsî  û hukmat rexne kerdbi. Nayî ser o Walîtîya Çewlîgî vatişê Aydemîrî red kerdbî. Aydemîrî bi eşkerayîyêke cewabê walîtîye da.

Aydemîrî vat: ''Bado ke mi meclîs de qisey kerd Walîtîya Çewlîgî ke wezîfeyê serekîya AKPyî yê Çewlîgî zî fîîlî kena vato doneyê derheqê bêkarîye û feqîrîye  raşt nîyê. Ez sere de vajî meseleyê Çewlîgî ke ma ardî ziwan ganî cewabê înan Cevdet Yilmaz û Fevzî Berdîbek bidê ke çewlîgijan ê vîjnayî.

Hetê bînî ra bi ramojnayîşê doneyanê TUÎK û ÎŞKURî vatişê Çewlîg de ekonîmî hol a, bi aqilê şarê Çewlîgî bêqûnîkerdiş o. Goreyê îstatîskanê sîgortakerdeyan ê Tirkîya (tebaxe 2020) 8 mîlyon 37 hezar kesî feqîrîye ra neêşkenê sîgortayê xo bidê. Muracatê dayîşê bêkarîye yeno vatene ke humare 3266 a. No ramojneno ke şarê Çewlîgî bêqeyd xebityeno. Şarê Çewlîgî feqîr û bêgarantî rixmê nê hukmatî cuya xo îdare keno.''