Kurdistanîjî dostanê xo reyde rayberîya Komîteya Kurdîstanî û Yewîya Cinîyan ê Azadan reyde verê bînaya Opera ya Erîvanî de kom bîyî û rayîrî ra şîyî.

Çalakîkeran posterê Rayberê Şarê Kurdî Abdullah Ocalanî berz kerdî û sloganê ''Biciwîyo Serek Apo'', ''Bê serek cuye nêbena'', ''Biciwîyo Xoverdayîşê Rojawanî'', ''Biciwîyo Xoverdayîşê Şengalî'' û ''Erdogano faşîst, Tirkîyaya faşîste'' vatî û ê heta meydanê Şahûmya rayîrî ra şîyî.

Hemserekê Yewîya Kurdîstanî yê Almanya û Wekîlê Kurdî yê Parlamentoya Ermenîstanî Kinyas Hasanovî meydanê nawnayîşî de qisey kerd û komplo şermezar kerd.

Hasanovî bale ante bêvengîya dezgehanê heqanê merdiman ê mîyanneteweyan ser û vat: ''Rayber Apo 21 serr ê ke bi îradeyêkê bêhempayî mîyanê şert û mercanê giranan de xo ver dano û armancê komployî pûç kerd.Wezîfeyê ma yo ke ma zî bi temamî komplo pûç bikerê. Sena naye zî ma her ca de têkoşînê xo xurt bikerê.''

Kemsereka Komîteya Kurdîstanî Îla Tovmasyan, endama Komîteya Kurdîstanî Jênîka Qadîr, endamê Komîteya Kurdîstanî Tahîr Broyan û endamê Komîteya Kurdîstanî Xelîlî zî çalakîye de qisey kerd. Qiseykerdoxan komplo şermezar kerd û waşt ke wa Ocalan azad bibo. Nawnayîş bi şîîranê Zîlane Reşoyan qedîya.