Zîndan Tîpê E yê Erziromî de tay tepişteyî 27ê êlule de wextê pêvînayîşê akerdeyî de raştê şîdetî ameyî û peyra zî înan rê îşkence ame kerdene.

Nazli Orana ke şîyê qay biray xo Selçuk Oranî ya derheqê babete de qisey kerd. Orane vat  wextê pêvînayîşî de gardîyanan keyeyî tacîz kerdî û tepişteyê bi namey Mehmetî yê ke vera nê nêrazîbîyayîş mojna, verê merdimanê xo raştê şîdetî ame. Orane vat: ‘’Gardîyayan tepişte derb kerd û pê zorî berd koguş. Naye ser o merdimanê tepişteyan pê pirodayîşê masayan gardîyanî protesto kerd. Dima ra birayê mi telefon de vat ê raştê îşkenceyî ameyî. Tepişteyî koguşanê cîya cîyayan de ameyî cakerdene û hetê gardîyanan ra yenê tehditkerdene.  Koguşo ke 27 kesî tede yê bi seyan gardîyanî erzenê ser û hêrişê tepişteyan kenê.’’