Xeylêk şaristananê Ewropa de serkêşîya ciwanan de Newroze yena fîrazkerdene.

Şaristanê Darmstadtî yê Almanya de serkêşîya aktîvîstanê TCŞ û YXKî de adirê Newroze ame tavistene. Ciwanan dima dormeyê adirî de govende girewte. Ciwanê enternasyonalîstî zî tewrê şayîye bîyî.

Şaristanê Lorientî yê Fransa de  kurdîstanijan û dostanê înan meydanê şaristanî de adir vist ta. Şayîye de derheqê Newroze de qiseykerdiş ame kerdene û seba Newroza Rennesî veng ame dayene. Şayîye de vera qedexeyê serê PKKyî îmzayî zî arê dîyayî.

Şaristanê Baselî yê Swîsre de aktîvîstanê TCŞ û YXKyî  şayîyêka Newroze kerde. Ciwanan şayîye de azadîya Rayberê Şarê Kurdî Abdullah Ocalanî waşte û sloganê sey 'Biciwîyo Serek Apo' vatî.

Şaristanê Draguignanî yê Fransa de aktîvîstanê TCŞyî bi şîarê 'Serra 50. ya serfîrazîye de Rayber Apoyî rê azadîye' bi rayraşîyayîşê meşaleyînî Newroze fîraz kerde. Ciwanan rayraşîyayîş de fotografê Rayberê Şarê Kurdî Abdullah Ocalanî akerdî û dima derheqê Newroze de broşurî vila kerdî.