Nobeta Azadîye  ya ke semedê azadîya fîzîkîye ya Rayberê Şarê Kurdî Abdullah Ocalanî  25ê hezîrana 2012yî de bajarê Strasbourgî yê Fransa de dîyaye destpêkerdene hewteyê 536. de dewam kena. Nobete no hewte hetê koma Oldenbourgî ra ameye dewrgirewtene.

Çalakwanê hê hewteyî Torî Akan, Selahattîn Ege û Xelef Akyuz ê. Torî Akanî ke bi nameyê çalakwanan qisey kerd, vat: ‘’Ma bi nameye Meclîsê Şarê Demokratîkî yê Oldenburgî ameyî. Rayberê ma 23 serrî yo bine tecrîdî de yo. Ma 11 serrî yo semedê azadîye ey çalakîye de yê la hema zî dezgehanê Ewropa vengê ma nêeşnawito. Çoka ma Yewîya Ewropa şermezar kenê. Heta ke Rayberê ma azad mebo, herra ma azad mebo ma zî nêeşkenê bibê azad. Têna kurdî nê ganî kam ke wayîrê wîjdanî yo wayîrê Rayber Apoyî vejîyo û vera qirkerdişanê dewleta tirke vengê xo vejo. Na çarçewe de ma têkoşînê Rayberîye û xoverdayoxanê serê koyan selam kenê. Ganî şarê kurdî zî kuçeyan de wayîrê Rayberîye, gerîlayan û herre xo bivejîyo.’’